الأستاذ الشاعر أزهري محمد علي صاحب المفردة المترعة بالجمال.. ملك السهل الممتنع ..صاحب الهوية الشعرية الباذخة والمتفردة ..
ازهري يخرج من بين حطام الحرب اللعينة قصيدة معبرة بعنوان
لازم تقيف …
ونحن نردد معه
لااااااااااازم تقيف
✌🏾✌🏾 لاازم تقيف✌🏾✌🏾
ازهري محمد علي
الحرب لااازم تقيف
خضنا بحر الدم الحرام
ونحن لسه دابنا في القيف
نمشي وين ماشال الغمام
المنامة وجدة وجنيف
مامهم وين يبقي المقام
المهم ياصاحي ككيف؟؟
الحمام يدينا السلام
وينحسر مد النزيف
وبكرة برق القبلي لو شال
يبقي بركة وخير الخريف
غيمة لي حميد وقدال
وغيمة لي محجوب شريف
وكل طيب وود حلال
ما ولق بي ايدو في الزيف
وبرضو وأجب سترة الحال
لو نزل في ساحتن ضيف
من سبيط النخل الطوال
ومن طرف ساقيتنا عيش ريف
كمدة من حق العيال
للصغار في زمزم رغيف
لاااازم تقيف
